ఏ మనిషికైనా తన గురించి తను ఆలోచించుకోవడంలో తప్పు లేదు. భవిష్యత్తును కూడా గొప్పగా ఊహించుకోవడంలోనూ తప్పులేదు. దానికోసం ఒకింత స్వార్థం గా ప్రవర్థించడం లోనూ తప్పు లేదు. నేను మాత్రమే నాకు కావలసిన వాటినివాటిని, వారిని సొంతం చేసుకొని జీవితాంతం సుఖపదాలని అనుకోవడంలోనే మనిషి మనిషనే అర్హతను కోల్పోతాడు.
తమని తాము తెలివిగల వారిగా చిత్రీకరించుకోవడంలో తప్పులేదు. అవతలవారిని మాత్రం మరీ తెలివితక్కువ వాళ్ళుగా చూడతమే తెలివితక్కువ తనం. సలహాలిస్తూ, సహాయం చేసేవారికి స్నేహితులు పెరుగుతారు....చివరిదాకా మిగులుతారు. కేవలం సలహాలే ఇస్తూ, తప్పులు పట్టేవారికి ఎవరూ ఎప్పటికీ మిగలరు.
మీగురించి ఇతరులేమనుకుంటున్నారన్న దానికంటే మీగురించి మీరేమనుకుంటున్నారనేది మరీ ముఖ్యం. మీరు మీ వ్యక్తిత్వాన్ని కాపాడుకోవడమే ఆత్మగౌరవం. ఎలంటి పరిస్థితులు ఈమిటన్నది తర్వాత సంగతి. కాని అన్నింటికంటే నిజాయితి అనేది ఉత్తమోత్తమ పాలసీ. అయితే నిజాయితీగా లేకపోతే అనిజాయితీగా వుండాలి, అంతే దీనికి మధ్యేమార్గం లేదు.
మనసుకి కళ్ళు అద్దాలాంటివి. మనసులో వున్నభావాలు కళ్ళలో కనబడిపోతూ వుంటాయి. సాధారణంగా ఒక్కొక్క మనిషిది ఒక్కొక్క స్వభావం-ఒక్కొక్క సమయంలో ఒక్కొక్క మూడ్, స్వభావాన్ని బట్టి, మూడ్ని బట్టీ కళ్ళలో భావాలు వేరువేరుగా కనబడుతూ వుంటాయి.మనం పెరిగిన వాతావరణాన్ని బట్టీ, వున్న హోదాని బట్టి మొహంలో భావాలు మారుతూ ఉంటాయి.
మనిషి ముఖం అద్దంలాంటిది. ఒక మనిషి ముఖం ద్వారా ఆ మనిషి బాహ్య వ్యక్తిత్యం, అంతర్గత వ్యక్తిత్యం, కోపతాపాలు, కోరికలు, బలహీనతలు, ప్రవర్తన తెలుసుకోవచ్చు. మానవప్రపంచంలో కొన్ని కోట్ల ముఖాకౄతులు కనిపిస్తాయి. ఒక్కొక్క ముఖం ఒక్కొరకం గా ఉంటుంది.
Subscribe to:
Post Comments (Atom)
No comments:
Post a Comment